جانیم اولسون سن تکی انسانـه قوربان یا حسین(ع)!
ائیـله ییبسن عالمی باخ گؤر نه حئیران یـاحسیـن(ع)!
کیـم کئچـَــر اهل و عیـالینـدان بـو شـور و حـال ایـــله
وار یـوخـون بیــر گـونده ائیـلَـر دینه قوربان یا حسین(ع)!
قهرمان سن سن شرف دریاسی سن سن عشق سن !
نوح سن سن روح سن دور ائیله توفان یا حسین(ع)!
بـاغــریم اوْدلانـدیقجا هــر لحظـه یئـــــری وار آغـلایـام
گـؤزلریم ای کـاش یاغئیدی قْرمْزی قان یا حسین(ع)!
نیـزه اوستـــه آل قـانیـن حـلقینـدن آخـدیـقجا بـو گــون
عـرصـه ده آغلار سنه شمشیر و پیکان یا حسین(ع)!
نئیله ایــم بیـــر حـالـداکــی دردیـن دوشونـدوکجه قـلـم
اختیـار الـدن آلیـب فـوری یـازیــر : جـان یا حسین(ع)!